ویب ڈیسک: دمبولا میں پاکستان اور سری لنکا کے درمیان کھیلا گیا تیسرا ٹی ٹوئنٹی میچ اگرچہ پاکستان کے لیے مایوس کن رہا، تاہم کپتان سلمان علی آغا کی جارحانہ بیٹنگ نے ایک نیا ریکارڈ قائم کر دیا۔
سلمان علی آغا نے صرف 12 گیندوں پر 45 رنز کی شاندار اننگز کھیلی، جس میں 5 چوکے اور 3 چھکے شامل تھے۔ ان کا اسٹرائیک ریٹ 375 رہا، جو ٹی ٹوئنٹی انٹرنیشنل تاریخ میں کسی بھی کپتان کی جانب سے سب سے زیادہ ہے (کم از کم 10 گیندیں، فل ممبر ٹیم کے خلاف)۔
اس کارکردگی کے ساتھ انہوں نے کیرون پولارڈ کا ریکارڈ توڑ دیا، جنہوں نے 2021 میں سری لنکا کے خلاف 11 گیندوں پر 38 رنز بنا کر 345.5 کا اسٹرائیک ریٹ حاصل کیا تھا۔
اگرچہ پاکستان میچ جیتنے میں ناکام رہا، لیکن ماہرین کے مطابق سلمان علی آغا کی یہ اننگز 2026 ٹی ٹوئنٹی ورلڈ کپ کی تیاریوں کے لیے ایک مثبت اشارہ ہے اور ان کی قیادت قومی ٹیم کے لیے نیا اعتماد پیدا کر سکتی ہے۔