اسلام آباد(نیوز ڈیسک)وزیراعظم کے کوآرڈینیٹر اختیار ولی نے کہا ہے کہ ایک مجرم جو حساس اداروں پر حملے میں ملوث ہو اس کے وزیراعلیٰ رہنے کا جواز نہیں، بہتر ہے سہیل آفریدی استعفیٰ دے دیں، ورنہ قانون اپنا راستہ لے گا۔
ایک انٹرویو کے دوران انہوں نے کہا کہ تحریک انصاف کا ملک کے مسائل سے کچھ لینا دینا نہیں۔
اختیار ولی کا کہنا تھا کہ وزیراعظم شہباز شریف نے امن و امان اور سیلاب پر سہیل آفریدی کو میٹنگ میں بلایا لیکن وہ نہیں آئے۔
وزیراعظم کے کوآرڈینیٹر نے مزید کہا کہ وزیراعلیٰ سہیل آفریدی آئیں، ہم انہیں افغان طالبان کے دہشت گردی میں ملوث ہونے کے ثبوت دیں گے۔